സമാന്തരം
വിനോദ് വൈശാഖി

‌

ആര്യയും
അനിരുദ്ധനും
ശാന്തികവാടത്തില്‍
 ഒരേ ദിവസം
പുറപ്പെട്ടു


ഒന്നാം പാളത്തില്‍
നിവര്‍ന്ന്
നെഞ്ചില്‍
അരിവാള്‍
തുന്നിയ ചെങ്കൊടി
ഇങ്ക്വിലാബ് വിളിക്കുന്നു

എല്ലാം ശരിയാവുമെന്നു
റപ്പിച്ചതിന്‍ ശേഷം
അനിരുദ്ധന്‍
സഖാവൊരു
ബോഗിയില്‍
ചെന്തീയ്ക്കൊപ്പം
യാത്ര ചെയ്യുന്നു

ഞങ്ങള്‍
ബോഗികള്‍
നഗരത്തിലനിരുദ്ധ
ജീവിതം
നിറച്ചവര്‍

രണ്ടാം പാളത്തില്‍
അന്തര്‍ജനം ,
പ്രേമത്തെ
ജയിപ്പിച്ച
വിപിളവം
ഹൃദയത്തില്‍
രക്തം കൊണ്ട-
രിവാള്‍ വരച്ചവള്‍
'വിശുദ്ധനരക'ത്തില്‍
സംസ്കാരത്തെ
തൊട്ടിലാട്ടിയോരമ്മ

ഞങ്ങള്‍
നഗരത്തിന്റെ
കൂട്ടം തെറ്റാബോഗികള്‍

ആര്യയും
അനിരുദ്ധനും
പാളങ്ങളിലൂടെ,
ഒരേ ദിവസം
യാത്ര ചെയ്യുന്നു.

കല്‍കരിപ്പാടങ്ങള്‍
ഇങ്ക്വിലാബു കുറുക്കി
പാളത്തിലക്കാവി-
യാകുന്നു,ഞങ്ങള്‍
അതിലൂടതിവേഗം
സഞ്ചരിക്കുന്നു.

കവിത

പെണ്ണരങ്ങ്

വിനോദ് വൈശാഖി

വെളിച്ചം സുഖിപ്പിച്ച

മെയ്യെഴുത്ത് ,

കുഴിയാനപോലാ-
ഹ്ലാദത്തെഒളിപ്പിച്ചിടും
 ചുഴിക്കവിള്‍,
കൈക്കുറ്റപ്പാടില്ലാത്ത

ശില്പ വടിവില്‍

മിനുങ്ങുന്ന ഉടല്‍ ,

ചെറുവള്ളിയുലഞ്ഞ്

പൂവിട്ട തായമ്പക.
ആഹാ!

"അപ്സരസാണെന്റെ

ഡസ്ഡമണ്‍....."

സാംബശിവന്‍ കഥയില്‍-

പറഞ്ഞപോലെത്ര-
മേലളവുകള്‍.

"വിളക്കണഞ്ഞൂ , പിന്നെ
വിളക്കണച്ചൂ"ഒളിച്ചുകളിച്ചല്ലോ
മൂര്‍ച്ചകൂടിയ സ്നേഹം.

അരങ്ങില്‍

മിന്നല്‍പക്ഷി സുഭദ്ര

മൂര്‍ച്ചകൂടിയ കൊക്ക്.

ചതിയില്‍ -

രണ്ടായി മുറിഞ്ഞവള്‍

കൃഷ്ണമണികള്‍

നരക നഗരത്തി-

ലെറിഞ്ഞവള്‍.

ലളിതാംബിക-

എഴുത്തില്‍ നിന്നും

മുളച്ചീന്തെറിഞ്ഞവള്‍,

അഗ്നിസാക്ഷികള്‍

മാറാല,മറക്കുട

തകര്‍ന്ന വാല്‍ക്കണ്ണാടി

മുടിഞ്ഞ കാലത്തറ

നരച്ച തടവറ
ഭാഷപ്പിടച്ചില്‍

പേനപ്പുക ശ്വസിച്ച്

കുടുമ മുറിച്ചു താത്രിക്കുട്ടി.

താത്രി-

മൂര്‍ച്ച കൂടിയ പെണ്ണ്.

"സംഗീതം

ശബ്ദത്തിന്റെ സമരം*"

നൂര്‍ജ്ജഹാനൊപ്പം

മരിച്ച പെണ്‍കുട്ടികള്‍

'രാഗി'യാലപിക്കുന്നു.
'മുജ് രാ ഗായകര്‍'
നിശബ്ദതയകന്ന
തെരുവുള്ളം കയ്യിലേ-

ക്കൊതുക്കുന്നു:

"ഹാ..!മരണമേ,മരണമേ

നീ മരിക്കാന്‍ നേരം

പിടയുന്നതെങ്ങനെ ..

മരക്കൊമ്പുകള്‍
പെണ്ണാട്ടങ്ങള്‍ക്കൊ-
രുങ്ങി ഊരാളുന്നു.

ഗര്‍ഭപാത്രത്തില്‍

മൂര്‍ച്ചയേറിയ കുഞ്ഞേ

നീ ജനിച്ചേ തീരൂ."
തെരുവ് വലിയ
ചായക്കോപ്പ,

ചുവപ്പ് പച്ച നീല,

കുപ്പത്തൊട്ടിയില്‍

പിഞ്ഞിയ പഴത്തൊലി-

വിശന്നു വിളിക്കുന്നു.

വിശുദ്ധ പശു* ഒരു-മൂര്‍ച്ചകൂടിയ കത്തി,

തെരുവില്‍ മരണത്തിന്‍

അത്താഴം വിളമ്പുന്നു.

ചായക്കോപ്പയില്‍ നിന്നും

കൊടുങ്കാറ്റുയരുന്നു

2

പുലികളി

വിനോദ് വൈശാഖി

കടുപ്പം കുറഞ്ഞ
ചായപോല്‍നിറമുള്ള
പെണ്ണുണ്ടോ പെണ്ണ്

വെട്ടിയൊതുക്കി
ചെത്തിമിനുക്കി

പുരിക വരമ്പില്‍
വഴുതാത്തോരാ-

ണുണ്ടേ...ആണ്

സുമുഖന്‍
സവര്‍ണ്ണകുബേരന്‍
അഞ്ചരപ്പൊക്കന്‍
അഞ്ചരക്കെന്നും
മഞ്ചുമായെത്തും
മൊഞ്ചന്‍.
കടല കൊറിപ്പിച്ച്

കാതോളം തുളുമ്പിക്കും

വിരല്‍ത്തുമ്പിയെ -
തൊട്ടുരുമ്മിരസിപ്പിക്കും .

'പെണ്ണായാല്‍ മണ്ണാകും

പെണ്‍ബുദ്ധി പിന്‍ബുദ്ധി'
ഇല ചെന്നു -
മുള്ളില്‍വീണാല്‍

ഇലക്കു കേടാണെന്നും

പറഞ്ഞു പഠിപ്പിക്കം
ഫേസ് ബുക്കില്‍-
പടമിട്ട്
ലൈക്കിലാറാടിക്കും

പുറത്തെഴുന്നള്ളിച്ച്
പുലരിയോളം തുള്ളും-

വരെയുമാനന്ദിക്കാം,

ഇലപെണ്ണിനെ ഒരു

പണപ്പെണ്ണാക്കും

പോരേ....

ആളൊരു പുലി തന്നെ

കടുപ്പം കൂടിയ

ചായപോല്‍ നിറമുള്ള

പെണ്ണല്ലേ വരുന്നത് ,

അവളകത്തേക്കൊറ്റ

മുറിയില്‍ ,നഖം നീര്‍ക്കും

ഇരുട്ടാണല്ലോ ചുറ്റും

പിന്നെ ഒരുകൈ-

നോക്കാം

പുലികളി

അവസാനിച്ചു;

മരിച്ച വാര്‍ത്തയ്ക്കുള്ളില്‍

അവള്‍

ജീവിച്ചു കിടക്കുന്നു,

ജയിച്ച പുലിവേഗം
ഉടുപ്പിട്ടകലുന്നു..

.........................

.......................................

വിനോദ് വൈശാഖി

കടല്‍

കരുകുളം

പുതിയതുറ പി ഒ
9495300355

ഓലപ്പൂ

                                    



                                   

കവിത ഓലപ്പൂ    വിനോദ് വൈശാഖി ഓലപ്പുവുള്ള മരം ,പറയൂ എന്നുമരഞ്ഞാ ണമിട്ട കുട്ടി: കല്യാണച്ചേച്ചിക്കു മുമ്പിലായി , സ്വര്‍ണ്ണമില്ലാ ത്തോര്‍ക്കു സ്വര്‍ണ്ണമായി, നെല്ലു നിറഞ്ഞ പറയില്‍നിന്നും നാലുപാടേക്കും വിരിഞ്ഞു പൂവ് ഓലയില്‍ പച്ചില പാമ്പിറങ്ങി, ഓലപ്പാമ്പെന്നു വിളിച്ചു കുട്ടി കയ്യിലും കാലിലും ചുറ്റിവച്ചു , നാട്ടിലിടവഴി ക്കൂട്ടമായി .‌ ഓലയിലപ്പീപ്പി കൂവി ,കുട്ടി പാമ്പാട്ടി യായി കറങ്ങിയാടി, കുട്ടിക്കഴുത്തില്‍ വിനീതരായി പച്ചിലപാമ്പു ഫണം വിടര്‍ത്തി. ഓലയില്‍ നിന്നു കണ്ണാടി വച്ച് ഓലവാച്ചില്‍ മണി നോക്കി നില്ക്കെ , ടീച്ചറായ് മാറി ക്കുരുന്നു കുട്ടി പൊട്ടിച്ചിരിച്ചെന്റെ നാട്ടുകൂട്ടം ഓല- മെടഞ്ഞൊരു പന്തിറങ്ങി, പന്തില്‍ പെരുവിരല്‍ പൂത്തിറങ്ങി, നെഞ്ചു വിരിച്ചു കിടന്ന മണ്ണില്‍ പച്ചിലപ്പന്തു പരുന്തു പോലെ ഈര്‍ക്കിലില്‍ നിന്നു പിറന്ന ചൂല് മണ്ണില്‍ വരയ്ക്കുന്ന ചിത്രകാരി. കോലം കെടുത്തിയ മുറ്റമാകെ കോലം വരച്ചു മിനുക്കി വച്ചു. കൊച്ചങ്ങപ്പന്തിന്‍ കറങ്ങിയേറ് ഓലമടലില്‍ പറന്നൊരാറ്‌, കളി തോറ്റു കാതിലായ് കമ്മലിട്ട്- വഴുത ത്ലാപ്പിട്ടു വലിഞ്ഞു കേറി മണ്ട കറങ്ങി- പ്പൂക്കുറ്റിയായി തെങ്ങിന്റെ ചോട്ടില്‍ ഒടിഞ്ഞിരുന്നു തൊണ്ടു ടുപ്പൂരി ക്കയര്‍ പിരിച്ചു, ഓലമേഞ്ഞാ യിരം വീടുമേനി വീടിനകത്തേക്കു- നൂറു മേനി പോയാറ മാറി യവിഞ്ഞു ചീനി തേങ്ങ തിരുവി- ച്ചിരവ പാടി, കഞ്ഞിക്കകത്തി- നിപ്പേറെ നല്കി, അമ്മിക്കെഴവി കാല്‍ നീട്ടിവച്ച് മുളകു ചമ്മന്തി യരച്ചു വച്ചു. ചുണ്ടിലെരി പൂത്തകാറ്റുമായി ഓലപ്പൊളി വണ്ടു തൊണ്ട കീറി, കാറ്റാടി യൊപ്പം പറമ്പു ചാടി. തുമ്പോല വീശി ക്കിതപ്പു മാറ്റി തെയ്യം- കുരുത്തോല കെട്ടിയാടി, മാനത്തിലേക്കു മുഖം വിരിച്ചു. തോരണപ്പൂവായ് നിറഞ്ഞു തൂവി ചൂട്ടു കറ്റപ്പൂ- വണഞ്ഞു കത്തി. Mail Delivery Subsyste to Satchid Satchid Anandan <satchida@gmail.com> Jun 28 Assalaayi

നാരങ്ങ
വിനോദ് വൈശാഖി

സൂര്യ പ്രകാശത്തിന്‍
മഞ്ഞയെ പകര്‍ത്തി ഞാന്‍

നിന്‍ മുഖം തുടുപ്പിച്ചു.

ആ മുഖം മിനുങ്ങുന്ന രഹസ്യം
എന്നില്‍ത്തന്നെ -
ഒളിപ്പിച്ചിതേവരെ,
പറഞ്ഞില്ലാരോടും ഞാന്‍.

ഒരുനാള്‍
ദാഹം മാറ്റാന്‍
ചിണുങ്ങി നില്ക്കും നിന്നില്‍
പിഴിഞ്ഞുതന്നൂ ഞാനെന്‍
ഹൃദയം രഹസ്യമായ്.
.
തണുപ്പിനുള്ളില്‍ നിന്നെ
കുളിപ്പിച്ചെല്ലാം ചെയ്തൊരാ-
ലസ്യ നിമിഷത്തെ
ഒളിപ്പിച്ചിതേ വരെ .

വിളമ്പില്‍ രണ്ടാമതായ്
പച്ചിലപ്പുറത്തെന്റെ-
കരളില്‍ കണ്ണും നട്ട്
ഓണമുണ്ണുമ്പോള്‍
നിന്റെ ചുവന്ന ചുണ്ടില്‍
ഒരു കൊതി ഞാനെറിഞ്ഞിട്ടു.

തൊട്ടു നീ നാവില്‍ വച്ചു
പറഞ്ഞു ,ഹാ
എന്തൊരു കയ്പാണയ്യ?

പ്രതിഷേധങ്ങള്‍

വിനോദ് വൈശാഖി

കടല്‍ പറഞ്ഞു:
ഞാനിനി ശബ്ദിക്കില്ല
ഈ തീരത്തടക്കിയ
കുഞ്ഞുങ്ങള്‍‌
തണുപ്പേറ്റ് കരയും

ഈന്തപ്പനകശ്‍
പറഞ്ഞു:
ഞങ്ങള്‍ പഴം തരില്ല
എനിക്കു ചുറ്റും കളിച്ച
കുഞ്ഞുങ്ങള്‍-
ക്കുള്ളതായിരുന്നു
അവരെ വളരും മുമ്പേ
കൊന്നു കളഞ്ഞില്ലേ

കണ്ണീര്‍ പറഞ്ഞു:
ഓരോ തുള്ളി-
ച്ചോരയില്‍ നിന്നും
ഒരായിരം
പൂ വിടരുന്നു.
ഇസ്ഹാന്‍
നീയാണ് എന്റെ
ദേശത്തിന്റ പൂവ്

യാത്രക്കാര്‍ പറഞ്ഞു:
മഞ്ഞുമലകളിലേക്ക്
അലക്ഷ്യമായി
കപ്പലോടിച്ച്,
ഭയപ്പെടുത്തരുത്

ഞങ്ങള്‍ക്കും
തീ തുപ്പുന്ന
ക(ഗ)ണ്ണുകളുണ്ട്
അടര്‍ന്നു വീഴുംമുമ്പ്
വലിച്ചെറിഞ്ഞ്
പൊട്ടിക്കും

വില്ലന്‍ / Vinod Vaisakhi

ടി വിയുടെ മുകളിലെ
പുലിയും
ഫ്രിഡ്ജിനുമുകളിലെ
പൂച്ചയും
യുദ്ധം തുടര്‍ന്നു.

ഓരോ പ്രാവശ്യവും
ഫ്രിഡ്ജ് തുറക്കുമ്പോള്‍
പുലി
തണുപ്പിനുള്ളിന്‍
സുഖിച്ചു.

ടി വി
ഓണ്‍ ചെയ്യുമ്പോള്‍
പൂച്ച മുരണ്ടു,
മ്യാവൂ ഒച്ചയാല്‍
വീട്ടുകാരെ-
കാഴ്ചകളിലേക്ക്
ക്ഷണിച്ചു.

പുലിയെ കണ്ടാണ്
പൂച്ച പേടിച്ചതെന്ന്
വീട്ടുകാര്‍ ഭയന്നു.

അയല്‍പെണ്ണിന്
പുലിയെ കൊടുത്ത്
സമാധാനിച്ചു.

പുലിയുമൊത്ത്

അയല്‍ക്കാരി
ടി വി കണ്ടു.

പുലര്‍ന്നപ്പോള്‍
പുലിയും പെണ്ണും
മരിച്ചു കിടന്നു.

ഓരോ പ്രാവശ്യവും
ഫ്രിഡ്ജ് തുറക്കുമ്പോള്‍
പുലി
തണുപ്പിനുള്ളിന്‍
സുഖിച്ചു.

ടി വി
ഓണ്‍ ചെയ്യുമ്പോള്‍
പൂച്ച മുരണ്ടു,
മ്യാവൂ ഒച്ചയാല്‍
വീട്ടുകാരെ-
കാഴ്ചകളിലേക്ക്
ക്ഷണിച്ചു.

പുലിയെ കണ്ടാണ്
പൂച്ച പേടിച്ചതെന്ന്
വീട്ടുകാര്‍ ഭയന്നു.

അയല്‍പെണ്ണിന്
പുലിയെ കൊടുത്ത്
സമാധാനിച്ചു.

പുലിയുമൊത്ത്

അയല്‍ക്കാരി
ടി വി കണ്ടു.

പുലര്‍ന്നപ്പോള്‍
പുലിയും പെണ്ണും
മരിച്ചു കിടന്നു.

നാരങ്ങ

നാരങ്ങ 
വിനോദ് വൈശാഖി

സൂര്യ പ്രകാശത്തിന്‍ 

മഞ്ഞയെ പകര്‍ത്തി ഞാന്‍

നിന്‍ മുഖം തുടുപ്പിച്ചു.

ആ മുഖം മിനുങ്ങുന്ന രഹസ്യം 

എന്നില്‍ത്തന്നെ -

ഒളിപ്പിച്ചിതേവരെ,

പറഞ്ഞില്ലാരോടും ഞാന്‍.

ഒരുനാള്‍ 

ദാഹം മാറ്റാന്‍ 

ചിണുങ്ങി നില്ക്കും നിന്നില്‍ 

പിഴിഞ്ഞുതന്നൂ ഞാനെന്‍

ഹൃദയം രഹസ്യമായ്.

.

തണുപ്പിനുള്ളില്‍ നിന്നെ

കുളിപ്പിച്ചെല്ലാം ചെയ്തൊരാ-

ലസ്യ നിമിഷത്തെ

ഒളിപ്പിച്ചിതേ വരെ .

വിളമ്പില്‍ രണ്ടാമതായ് 

പച്ചിലപ്പുറത്തെന്റെ-

കരളില്‍ കണ്ണും നട്ട് 

ഓണമുണ്ണുമ്പോള്‍ 

നിന്റെ ചുവന്ന ചുണ്ടില്‍

ഒരു കൊതി ഞാനെറിഞ്ഞിട്ടു.

തൊട്ടു നീ നാവില്‍ വച്ചു

പറഞ്ഞു ,ഹാ

എന്തൊരു കയ്പാ​ണയ്യ?